باونص من هون وباونص من هون

السلام عليكم
شلونكم

يا جماعة محد معقدني الا مشية الخيل اللي بالمجمع
مطمرة جسمها تقول فرس وحاطتلي هالشباصة اللي
تقول طار على صماخها والعباية ما اقولكم
باونص من هون وباونص من هون
طيب انت يا ابوها ما شفتها قبل لا تطلع ؟
وانتي ياللي خلفتيها ما لمحتيها لو خلسة !!
مممم زين خنقول الخدامة ربتها هل عادي
جذي انتي يا مترصصة تمشين
وتقطين لحمج على الذئاب
بيني وبينكم يكسرون خاطري هالذئاب احيانا اهمه
خوش بس احنا اللي نخليهم يفترسونا
خل اقولكم انا وحدة كنت اتبرج
خل اقولكم كنت اضيج لبسي << شدعوة الجسم يساعد جان صمدتي
والعطر ما اوصيكم
ليش لما ايي هندي يطالع تصيحين تقولين :
عمه بعينك مابقا الا بوهناد
وبوهناد موبريال ؟ << قلبت بحريني يمه فديتهم

موقف من هالمواقف والشي بالشي يذكر
بنت خالة صديقتي ايام قبل يعني بــ 2001 رايحين سوق شرق

عند الباب والا يطير ملفعها واهي تعدله
كلبونا صرخنا يا فلانة واهي عااااااااااادي ولا تحرك فيها شعرة !!
نقولها اكو ريال طالعت والا تقول خرعتوني عبالي صج والا تقوله اقلب ويهك يا رفيق

خيبة كبيرة

امي قبل عشان تنذرنا من عقاب رب العباد تقول بنات اي
جزء من جسمج يشوفها الريال بتتعلقين منه يوم القيامة !

اقولها يما والرقاصة !!
تقول اظني مابيكون جزء منها سالم

فمابالكم هذي اللي عبالها متحجبة واهي وابد مافيها ريحة الستر
عطر + ميك اب + ترصرص + ضحكة ملفته + اربعين عملية تفخ ونفخ !!

ويالله من فضلك

هذا ونلتقي على خير في مقالي القادم الاسبوع الياي

يلا مناك

وعليكم السلام .. الحمدالله وانتي شلونج

الموضه صارت حتى باللبس الاسلامي

لكن انا اشووف فيها ميزه وحده فقط

من هالشي السلبي تقدر تعرف من هم متسترين ومتعففين لوجه الله حبا َ وخوفا منه ومن هم متسترين لوجه المجتمع وخوفا منه


عسى الله يهديني ويهديكم معاي آمين يا رب العالمين

شكرا لج + 3 ستارز

فعلاً مصيبه هالنوعيات

في شكثر منهم
بسوق الحمرا مول بالفروانية ههههه

ترى هم الرجاجيل عندهم نفس السالفة
عشان يثبت غترته ولا شماغه
يحط علاق !!

مادري شلون يثبتها
ولكن اضن يعلق الغتره بالعقال .


اعتقد ولا اجزم
انه نقص , ويبي يعوضه

المره تعوضه بقلاص ستيل الكبير
ايام قبل الغزو هههههه

والرجال يعوضه بعلاق !!


ياكافي الشر

مصيبه هالحريمات اللي هلون

والله الله يستر علينا

و يكملنا بعقولنا

تلاقين هالآدميه ويها كأنه لقمة عيش و حاطه ع راسها هالسنام او ملة روب او شقول لج ياهل او بقشه مالت اول

والله يضحكوني

جان بخت يفجون هالعاده

اتباعاً لحديث الرسول صلى الله عليه و سلم اللي اهوه

قال الرسول صلى الله عليه وسلم " صنفان من أهل النار لم أرهما ، قوم معهم سياط كأذناب البقر يضربون بها الناس، ونساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة و لا يجدن ريحها ، وإن ريحها يوجد في مسيرة كذا وكذا "

فاتي

يعطيج العافيه

لاهنتي

الله يستر على بناتنا بس
الموضه صايرين يلحقونها لحق
وما يهتمون إذا حرام ولا لأ
إذا يجوز ولا لأ
ولا حجاب بو تفخه يبطون جبدي
راسها شكبره مسويته ومستانسة
المشكله أولا مو حلو عشان تسوينه
وثانيا ما يجوز لعنها الله وما تشم ريحه الجنه
عشان حجاب شكله غلط
>> بردت جبدي ههههههههههه
يعطيج العافية يا قلبي أم صماخ
الله لا يحرمنا منج
فديت روحج
تستاهلين أحلى تقييم

بنات اخر زمن الله يهديهم ^_^
ما تسوي الحركات هذي الا اللي فيها نقص
ثانكس فتفوت>> بانتظار جديدكـ

اقتباس:

يلا مناك

انتي اللي مناك

الله يستر على جميع المسلمين والمسلمات < < < من هاللي يسمونه موضه
ويعطييييييييج العافية اختي كيرلس
وتقبلي مروؤروي