رديه الشاعر فهد الطوير على الشاعر صحن بن قويعان

الشاعر , الطوير , رديه , قويعان

رديه الشاعر فهد الطوير على الشاعر صحن بن قويعان

رديه الشاعر : فهد الطوير
على
قصيده الشاعر : صحن بن قويعان
ـــــــــــــــــــــ
صحن بن قويعان
( زين ممشى الجمس )
زين ممشى الجمس مع خطٍ يدله
كل ما محته على صوبٍ عطاني
عارفٍ دربه وأدل الخد كله
لو محاه الريح عقبي ما خفاني
ناصٍ اللي قربهم ماحدٍ يمله
مير تصريف الدهر عنهم حداني
جعل ودان المزون المستهله
في وطنهم تنثر الماء الريهجاني
وكل ماجا سبعة أيام تعله
لين يشبع طرشهم بين المباني
ديرة الجبلان قلبي مستهله
عن خفي القلب يخبركم لساني
ربعي اللي دارهم للضيف فله
يذبحون الحيل لا شان الزماني
وكل نشميٍ ليا جيت بمحله
تمضي الساعات تحسبها ثواني
ضيفهم مع جارهم مدموح زله
كل من جاء في طرفهم مايهاني
يزعلون عيالهم كلٍ أرضله
ومجلسه ببيوتهم بأحسن مكاني
والمحيل اللي حلاله فيه خله
لا ورد لعدودهم شرب اسمهاني
قولي اليا قلت كلٍ شاهدله
الدقاق بما ذكر فيهم كفاني

لــ صحن بن قويعان

ـــــــــــــــــــــ

رد : فهد الطوير

راكب الي سايقه ما شان دله
صدروه من المصانع للمواني
جمس فل ابشن و بديه دون سله
و الموزع في بلدنا البهبهاني
لون واحد و المنظار مسفهله
و المكينة قو سبع مية حصاني
سعد عين الي زهمه الطرقتله
ما تردا في خويه مودماني
فر ويله وين ما ودك و تله
ما نشدك الـ وين لو تبغى حلباني
و ان طلبك الزود في طرقتك خله
لو تمر الناس تلمحك المحاني
افتوح له خانت اليساره محله
ما يلد يمين و الممشى حدياني
خص لا جا سايقه بالدرب عله
رد خشمه طيب من خامس لـ ثاني
يلتفت للي يمينه و يتسله
و يتعدى الي يمينه في هواني
جاك وصفه يا صحن و ان قلت لله
لا يصح الله ما قاله لساني

لــ فهد الطوير

الموضوع الأصلي: رديه الشاعر فهد الطوير على الشاعر صحن بن قويعان || الكاتب: فهد عيد الجبلي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

شكراً على المشاركة ....