مباراة : الكويت vs الامارات .. مُتعة !

.
.

" مسا النور .. "
دخلت القسم وتفاجأت إن محد مسوي إعلان عن مباراة أمس
أو حتى ناقل النتيجة .. فـ قلت أقوم بـ الواجب
وبـ ما إني أول مرة أنزل طرح رياضي ..
خلوني أسرده بـ طريقتي

الساعة 6.30 المسا من يوم اليمعة .. 2 سبتمبر
انشكحت عـ القنفة اللي بـ الصالة ، مسكت الريموت
وقعدت أقلّب بـ قنوات الرياضة .. اللي بـ آخر اللستة خخ
تابعت المباراة على قناة أبو ظبي الرياضية ، المُعلق فارس عوض - على ما أعتقد -

الشوط الأول لحقت على نصه بـ حكم إني تأخرت على ما لقيت القناة
وشفت اعادة الهدف اللي أحرزه يوسف ناصر ..
تشوّقت حدي ، وعدلت قعدتي ، والضحكة شاقة الحلج .. ناطرة الهدف اللي بعدوو

ولـ أول مرة أتابع التحليل كامل .. ما بين الشوطين
والأكشخ إني أسمع حق أكثر من محلل لـ أكثر من قناة خخ
بعدها رديت انسدحت .. ناطرة الشوط الثاني

وبلّش الشوط وبلّشت معاه المُفاجآت
الهجمات المُرتدة حبيتها حد الشسمه خخ
مع كل شوته .. أشوفني فجأة نقزت وأنا أقول قووووووول
وللأسف تكون بره خخ

بعدها يتألق بدر المطوع .. بـ هدف مُحترف
مع إنه مو لابس لابتشينه - يكرم السامع - الفسفوري خخ
حزّتها قلبت على قناة الكويت الرياضية والا المعلق يحليله داش جو
" ياا دلالك يا جمالك يا بدران " ههههههههه فصلت عليه واهو يعيدها كل شوي خخ

وما تعدي دقايق إلا يوسف ناصر هاز شباك مرمى المنتخب الإماراتي بـ هدف
وهيّاااااااا ثلاثة / صفررر .. طررررررت
ما اشوف الا الجماهير الاماراتية تطلع من المباراة بـ ضيقة خلق وكدر
وجمهور الأزرق يهتف " عاءدين ليه .. ما تؤوموا تروّحوا " خخ

مع إني كنت راضية بالنتيجة ، بس حبيت يسجلون الهدف الرابع
كون إن هالرقم عزيز عليي
ماكو رفعت ايدي أدعي من اهني .. دش قول هناك
من حمّادي ! لاعب المنتخب الاماراتي - حفظتهم بعد - خخ
يلااا ما عليه يتهنون ..

لكن بعدها الأزرق خارها !
لا هجمات لا دفاع .. لا أهداف يديدة
وعلى هالمستوى يسجل المنتخب الاماراتي الهدف الثاني
وأقوم أزعل ! ..

لا لا لا .. ما يزّعل ، يكفي إن الحكم صفّر
والنتيجة لصالحنا .. فوز الأزرق بـ 3 أهداف مُقابل هدفين
ووووو هذا هو الموج الأزرررررررررق خخ

’ كل التوفيق له ، في مباراته الياية مع كوريا الشمالية مادري الجنوبية
في تاريخ 6 . سبتمبر .. شكرررراً

" 17 مشاهدة .. نعمة من كريم "

المباراة كانت متعة

وكانت صدمة بنفس الوقت للجمهور الإماراتي

بس اختربت المتعه بالخطأ من الأزرق اخر عشر دقايق لولا القوليين بس لكانت نتيجه عالمية

بس يالله الحمدلله الثلاث نقاط حلوة

واحب اقول لمدرب الامارات هذا منتخب الكويت اللي نزل دمعتك وويهك صار احمر ههههههههه

دير بالك

.
.

" أهلاً حجي الجسور .. "
بما إنك كنت متابع ، اللاعب فهد العنزي
اشّوله حصّل أصفر ؟!
-- يقولون كنت متابعة .. بس ما افهم بـ الأخطاء الرياضية خخ
اي صج ، المباراة الياية للمنتخب ، الساعة جم ؟!

المباراة يوم الثلاثاء مع كوريا الجنوبية

على أستاد الصداقة والسلام في نادي كاظمة بالعديلية

وعالساعة 8 انشالله

مباراة اتخوف

" منتخبنا جبل .. ما تهزّه ريح "
منصورين بـ اذن الله ، تُشكر