لا تعطي ســرك امــرأه ولا تخـــاوي أمــير‎

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بدآية القصه

فيه واحد سمع الحكمة هذي من أبوه فكان يبغى يثبتها,

المهم إنه راح وخاوى أمير في ديرته وصار خويه الروح بالروح ...





و الأمير ما يطيب له المجلس إلا إذا كان هالشاب فيه .. صار نديمه بـ اختصار ...





الأمير عنده مزرعة نعام وكانت عنده نعامة غالية





راح الولد وأخذ النعامة ودسها في مكان في المزرعة





وراح لسوق الغنم وشرى خروف وذبحه وقطعه وجابه في خيشه آخر الليل لأمه





وقال لها هذا لحم نعامة الأمير يمه ..





جايبه لك يالغالية..بس تكفين لا تعلمين أحــــد ..




عشان لو درى أحد بيوصل الكلام للأمير ويقطع راسي





الأم قالت : و لايهمك ياولدي .. مجنونه أنا أفضح سرك واموتك بيدي؟








من اليوم الثاني عزمت أمه جارتهم على اللحم ..وسألتها وش هذا اللحم الزين يا فلانة؟





قالت الأم أقولك بس سري في بير؟





ردت الجاره سرك في بير يا وخيتي افا عليك ...





قالت الأم لجارتها السالفة وحلفتها ما تقول لأحد عشان

ما ينذبح ولدها

طبعا الأم يوم علمت الجارة كان قصدها مفاخرة بولدها ...

يوم بعد يوم السالفة انتشرت بين الحريم في الديرة

ووصلت للرجال وفي الأخير وصلت للأمير اللي عصب

و طلب من الحرس إنهم يجيبون الولد ويحطونه في السجن لين يجي يوم ويقيمون عليه الحد.

الولد طلب من الحارس إنه يروح للأمير ويقول له إن النعامة لـ الحين موجوده في مزرعته

بس خاشها في حوش بعيد عن باقي النعام وإنها بخير

الأمير طلع الولد و اعتذر منه وحاول يعوضه بس الولد رفض وقال أبوي صدق في حكمته

وهذي بس نعامه أجل لو كانت شي أكبر من كذا

وش كان بيصير فيني ...!!!!!

وبهالقصه , يثبت المثل صحته




لا عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]ولا عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]أمــير‎

هههههههههههههههههههه


جد المرأه ماتنعطى سرررر ابد اما الاميرر باقي ماجربت هع


يعطيك العافيه

ههههههههههههه


ام المراه خذيها مني انا ماتنعطاء سر ولا وجه ... هههههههه واحد حقد !!!


ولمير نفس الحكايه شايف نفس في زود كبر,,, والكبر لله سبحانه ,



اشكرك على مرورك