نهــآر العـــيد

السلام عليكم ورحمة الله وبركاته

....


بواحد من شهر شوال ابكتب .. لعيد الفطر - الا يالله تعيده -

رسالة موجزة عن وصف حالي .. رسالة او كما يطلق قصيدة

وأنا خاطري ضايق ومنغث .. و هذي يعلم الله مو جديده

غريب الامر انه ضاق توه .. نهار اعلن عن العيد بجريدة

و خلق الله بهاليومين تفرح .. وكلن يعزم الآخر لعيده

ومجالس ربعنا : اهلاً و سهلاً .. مفاطيح ومرق معها ثريده

وانا من فجة النور اتوكل .. اداوم لابس براسي حديدة

مصانع تنتج الغاز المسرطن .. و امر الله ماضي في عبيده

وانا عيدي ( دوامي والاجانب ) .. وعمالٍ ، ولا فيهم وليدة

فقدت هروج عقــّـال ونشامى .. ادور سالفة ولا قصيدة

الا يا وجد حالي وجد منهو .. تدبّـر له من القاضي مكيدة

وحطوه بسجن ظلما وزورا .. ولبث له عدة سنين مديدة

وجاله طفل بعد اربع ليالي .. يصيح وما قوى ضمة وليده

وخاله بادر وسوى تمايم .. وجده اقترح اسم لحفيده

ولقى في حيهم ورعان شلة .. وتحايلهم يبي شوف الشريده

غليم ضاوي الخدين باسم .. وضمه قال انا ابوك الفقيده

هرب منه الولد ثم صاح : تكذب .. توفى ابوي من مدة بعيدة

توفى وقتها الشايب من الغم .. ويمكن بالقدر ما لا نريده

انا حالي مثل حاله و أردى .. يعيّد كيف من فارق عضيده

حرام القرم لو هو في محلي .. نزف منه غبنته مافي وريده

ممآ رآق لي ..~ لإني مدآوم .ْ

وأجمل تحيـــه . .ْ~

الله يعينك اخوي السمو ..


وصح ألسانك ..


هالعيد نص اهلنا مداومين .. مادري اشصاير


قصيده معبره بصراحه .. تسلم

اعانك الله
فعلا العيد ،، بعيد عن الاهل والاصحاب
ماكنه عيد ..


نص اكثر من رائع اخوي السمو



صح الله لسانك
ولا هنت

رَاقتنـِي كثيرا ً كثيرا ً ,,

فَاضِلِي
قَدْ جِئْتَ بـِ حَرْفٍ /" .. مِنْ نُوْرْ !

أَمْتِعْنـــا بِلآ هَوَاده

وراق للروح

تلك الأبجديات المميزة

بانتظار جديدك !

ابيات مصفوفه كالذهب والإلماس
شكرا لك