|
|||||||
| ذرات ابداع اقلام نحتت حبرها بالصخر .. فصارت حروف ساطعه .. ولتميزها تستحق التخليد هنا . |
حاول من استخدام الألوان في الكتابة حتى تبعد جو الملل من قارئ مو ضوعك
 |
|
|
أدوات الموضوع |
|
|||||||
| ذرات ابداع اقلام نحتت حبرها بالصخر .. فصارت حروف ساطعه .. ولتميزها تستحق التخليد هنا . |
حاول من استخدام الألوان في الكتابة حتى تبعد جو الملل من قارئ مو ضوعك
|
|
|
أدوات الموضوع |
09-21-10, 03:42 PM
|
#1 | |
رَوحَ خَاواهاَ الشمُوخَ
|
مــكيــأج عجــــوز .....!
طفشان لحالى كل اخوياى تزوجوا غير انا,, قلت يابوى بتزوج وبعد محاولات مع كذا سفاره اقتنع, قلت مانى اخذ من بنات ديرتنا ولا ربعنا ولا الى حولنا نبي نبعد لاجل مايجي مشاكل انا في غنى عنها... وانا متوقع ان ماحد منهم موافق على, لان ريف كان برى السعوديه فى مهمه وشاكين انه رايح للخراب .. وكان مسجون بتهمة هوشه وحاطينه حق مخدرات وخريج سجون,, صرت منبوذ عندهم.. قال ولد عمى وخويي بنفس الوقت فى الديره الفلانيه,, فيه ذيك القبيله طيبه ومحترمين رح لااقرب بيت ويزوجونك,. وانت ولد ناس معروفين .,وجدك السادس فارس وجدك الخامس كريم وجدك الرابع حكيم.. الخ وانت رجال طيب قالها بدون نفس,, يعني حتى هو مو مقتنع فيني ياجعله بالعافيه,, قلت لابوى نبى نروح للديره الفلانيه,, وبندخل بيت ونشوف الاستقبال والنظره الشرعيه ,,سمينا بالرحمن وطرقنا ذا البيت واستقبلنا الرجال .... قال يالله حيهم الساعه المباركه ,,تقهوو صب القهوه ياورع ,, ويقولها واحس ان الوجع يطلع من قلبه,, مهوب ضارى للطيب الله يجعله بالكحه المزمنه الى يسمعها اخر واحد بالديره ,,على طارى الديره تصدقون يوم دخلت ديرتهم ,,حاط شماغى على خشمي,,ولو اسعفنى الوقت كان شريت لى كمامات ,,من البلاوى الى بالحاره يقولون عاد ان عامل البلديه اول اسبوع لقوه منتحر من حجم المعاناه,, الى مر بها بس الغريب بالامر ان حارتهم كلها بقايا مفاطيح يعني مهايطيه لاجاء الضيف غدوه والعصر يتقهوون وينقنقون على مفطح ويصلون المغرب ويرجعون يتقهون ,,وفذات تمر على سمن وباليد الثانيه شوكه يقطعون بها مفطح يالله تعال لصلاة العشاء الجماعه,, كلهم صاكين المجلس وبعد ساعه من حضور اخر واحد الى هو يكره راعى المجلس لان بينهم وقفة خاطر الظاهر عشان قطيع من البهم ماكسبه فيها مكسب طيب يجي بعد هالساعه ثلاث مفاطيح كلهم يركزون على واحد ويتركون الاثنين الباقيه الله واكبر الى يشوف المفطح المغضوب عليه يقول هذا ظبى مو فطح كلهم يبونه لن المقصد,, كلن يقول ليه فلان على المفطح الوسطي وانا لا كنايه على شاكلة صدر المجلس ,,الى تحس انه كرسي الشيوخ في الولايات المتحده الامريكيه تدرون عاد وش اكبر مصيبه طاح فيها ريف ,,انه راح لا ابخل واحد فيهم لان الثور الى اعطانى الوصف كنت مسوي فيه مقلب وانا وياه صغار وفي قلبه لين رده لى الحين .وتذكرت ( من يكن الغراب له دليلا يمر به على جيف الكلاب )..... عاد يوم خطبوا لى وطلعوا الشيبان الجاهيه( كبار القوم ) مسكني ابو البنت ,,قال يالوح حسيت ان يبي يرجع القهوه الى شربتها.. لانه منقهر على قيمة القهوه هو بالاساس حاط هالقهوه يبي يعزم شريطي سيارات يبي يعزم راعى عقار , يبي يستفيد منه,لاكن وش يبي في خشة ريف وجبهته الى تقل باب بيت شعبى , سالنى قال كم تستلم ,قلت 4000 ريال 1500 اقصاد و600 جوال و400 مغسله ومطعم والباقى ضيافه للوجيه الطيبه.. قال والبنت الى تبي تاخذها وش لها قلت فى نفسي المفروض انت تعطيني دراهم انى بتزوج من بناتك ولا انت حتي البنقالى يتشرط عليك.. قلت معليك ياعمى بغير مخطاطاتى كلها , قال بحريقه انت وياها بس ترى راتبها التدريسي لى قلت بعد بيني وبينكم خفت لايقول حتى نص راتبك لى لاكن انا وش الى خلانى متعلق فيه للحين مدرى جانى احساس ان البنت حلوه.. قال لى الحين نجى للهدايا كنت ,,اشرب قهوه وغصيت قال لى القطعه الى في اول المخطط تشريها هديه لى ,,وتشرى لوالدتها طقمين ذهب لان تبي تحظر عرس نواره وعرس ولد ام منصور عاد كلها كوم وطلب الجده كوم,,يقول الجده طالبه مكياج من باريس لازم تجيبه لها قلت ياساتر !!! بديت انفذ الطلبات الى طالبها منى شبيه كوفى عنان وكلها قريبه وسهله عندنا بالمنطقه لاكن المشكله في مكياج العجوز وين اروح لفرنسا يبي لى ادفع مهرى واخذ سلفه من اعيال الجماعه لين اوفى رحلة باريس .. لاكن طرى على طارى جهنمى ,,اخذت حبه سودا على خو جو على حلتيته على حنيني واخذت مقدار ملعقتين من زيت الخروع وخلطتها سوى وشريت لى علبه شكلها حلو واعطيته الجده بدى العرس وكلن فرحان ،،انا شفت الجده تاخذ العقل كنها ،صباح الشحروره عيونها متلاصفه فى بعض وحواجبها مترفعه فوق تقل بنت شاده امها على شعرها بالشباصه ,, والشفايف كنه خط سريع فيه تحويله بس ماقصرت بردت حرتى رقصت لين اخذوها للمستشفى كان فيها كم عرق وطق بالرقص ... بالطارى اول مادخلنا الحاره لقينا بيت شعبى سئلنا عنه قالوا بيت عائله فقيره الخبز مايلقونه,, حتى الورعان من تشوفهم تقول حنا فى افريقيا .. غريبه رغم ان المفاطيح رايحه ,,بالدقيقه والثانيه الى فندق **اله خمس نجوم .. طيب يرسلون للعائله الفقيره اقل شى... الحق يقال هم يرسلون لهم لاكن بعد تطورالجده والتحاقها بركب الحضاره تغير مفاهيمها بس ماتنلام غيروها غصب ماحد مهتم بالاصاله الاولى .. الولد كسلان لايروح,, والشايب من يوم يجي عمره 50 جايته الرماتيز والحرمه تونون وتشكى مافيني قدره اروح لهم انا تعبانه من شغل الضيوف رغم انها جالسه وطاقه حنك والخدم عليهم كل شى ... اخذت البنت وسبحان من خلقها قمر واخلاق واحترام وتقدير انا هنا انصدمت كيف هالجوهره تطلع من ذا الرجال لاكن تذكرت (( يخرج الحى من الميت )).... للجنون فنون وهى كثيرهـ وللفنون جنون وجنون هذه القصه من يعتقد انها تحكى حال ريف ولاكن تحكى حال مجتمعنا الحالى .. الى اللقاء بقلمى ريف
|
|
قل للزمن / لا ضاق صدري [ عوافي ]
بكره تزين وينشرح خاطر الوجد ! كان الألم في محجر العين [ غــافي ] ترى الأمل ماله وسط خافقي حد .. ! 
|
|
09-21-10, 03:56 PM
|
#2 | |
 
|
.. ــأبــدـآـآع ياريفــ ـالنشامـآ ..
وـأعجبتني هذه الرائعهـ بقدر مااضحكتني .. ^_^ / نعم واقع مجتمع حالي وـآكبـــ ركبـــ الحضارهـ باالمقلـوبـــ..!!! / ـأبدعتـــ يااذووق.. وبأنتظار جديدكـ.. ودي |
|
|
قال تعالى: { وَلَسَوْفَ يُعْطِيك رَبّك فَتَرْضَى }
|
|
09-21-10, 04:09 PM
|
#3 | |
|
اول شي وانت تصف حسيت بلوعه من هالمجتمع
مجتمع ينكر كل شي حتى لو كان مو صحيح ناس ماتفكر بالإنسان تفكر بالناس كلهم عشان تحكم على شخص ولما وصفت الحاره وريحتها حسيت اني برجع الله يعين يمكن هذا حالنا يمكن يكون حظ ان البنيه ماطلعت على اهلها والحمد الله على كل حااال تســـلم رييف ويعطيك العافيه |
|
|
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
|
|
09-23-10, 05:22 PM
|
#4 | |
سٍـرُ أَبْيـض ..
|
للأسف هذا هو حال مجتمعاتنا
تنظر الى القشــر الخارجي ولا تهتم بـ جمال القلب .. ريف النشاما قلمك فخــم - ما شاء الله عليك - .. كن بخير أنثى من حرير |
|
|
أشتهي "عشقـاً" لا يعرف الإهمال
|
|
09-23-10, 07:06 PM
|
#5 | |
مخملي الحس
|
أختي الفاضلة أنثى من حرير
نعم الجمال جمال الروح والبعض يقول لا يستشهد بهذا الا كل قبيح ولكل قوم قول |
|
|
شامٌ حبها في عمق قلبي
|
|
09-25-10, 02:43 PM
|
#6 | |
|
أحيانا كثيرة الأناس في مجتماعتنا البعض منهم
لاينظر إلى الإنسان بمعناه ! ولكن يهتم في الهيئة الخارجية والحكم الخارجي يكون دائما هو المنتصر ولا يبالون بجمال الجوهر وأريج الأخلاق ان كانت في أروقة الجمال ! ريف جمال ابداعك ينساب بجاذبية لبقية الأرواح فيما تنقش على لوحة الجمال حماك الله |
|
|
ملاذ روحك بين الكتابة والقراءة
هنا @alhawraa10
|
|
| مواقع النشر (المفضلة) |
| أدوات الموضوع | |
|
|
