Double Exposure ~ ورجعنا للقسم

×

صبحكم الله بالخير يا قوم..
أدري أدري أن القسم مشتاق لي..
لدرجة إن آخر موضوغ لي بأول صفحة لحد الحين..
لكن.. ارتاحوا وتطمنوا.. هذا أنا رديت لكم بتصميم جديد

المهم ما أطول عليكم
هذا تصميم صممته قبل فترة وتقريباً برمضان..
والظاهر الظاهر من التصميم مبين علي أن حزتها كان نفسي في أسبريسو لسبب ما..
المهم.. هذا المسكين.. حطيته بأسبريسو وفجرة الإبداع فيه..

التصميم



بحر ترا ناطر ردج.. المفروض إنتي أول وحدة ترد بالموضوع..
وأي أحد يرد بعدج.. بعد لازم تردين بعده..
علشان يكون أوله مسك واخره مسك بردج
لازم بصفحة المنتدى بكل حته أسمج طالع فيه..

×

احم

صباح النور

جنك تتطنز بالخاتمة بس ماعلينا برد

اول شيء شي ونيس انه طلعت مصمم

من زمان عن هالسوالف والله نسيتها وبنفس الوقت احبها

فتسلم يديك

ثانياً نرجع للتصميم الجميل ونجدد ذاكرتنا الفنية

كلش مافيه اسبريسوو

يعني لما شفته حسيته تصميم انسان مركز ع شي بعييد ويبيه

و حواسه وافكاره كالغيم شايلها بداخله

كله حلو من الوانه المتناقضه الحارة والبارده للابيض والسواد

نقدي الوحيد شكل التصميم عموماً فنتازي والوان
بس بشرته لو حاط عليها فلتر او شي عالاقل بسيط يأثر عليها افتح او اغمج مو مهم
المهم يعطيها لمسه بلور او تصنع بين الحقيقه والاطراف الخياليه لان بشرته غير متجانسه مع ماحرلها
بس هم صح مو غلط اذا كانت فكرتك تفصل الحقيقه عن الخيال

طبعاً الخط والخلفيه ماعليها كلام
صج تسلم يدك ويعطيك العافية

ولوسمحت مره ثانيه اكتب تفاصيل تصميمك الخامات الفلاتر غيره
انعش ذاكرتنا لي سنين ماستخدمت فوتوشوب نسيت المصطلحات حتى ههههه

يعني شنو بس ناطر رد بحر

باخذ فوق تحت

خلاص زعلت

ههههههههههههههههه

دارك اي اي حيلج فيه

مدري شفيه من امس يقولي خاتمة المنتدى

اذا اختفيت ترى من عينه

يا هلا بالحبيب
للاسف التصميم ماطلع عندي
الدوام مو مخلين شي مو مسوين له حظر

لي رديت البيت شيكت


تسلم هالايادي مقدماً .

×

بـحـر

يا هلا ويا غلا..
لا لا بالعكس ما نتطنز..
أصلاً من كثر غلاتج… أنا مخلي كلمتي بالخاتمة كلها لج..
لدرجة زعلنا دارك علشانج.. بس ما عليه.. نعوض دارك بعد أشوي

المهم نرجع للتصميم..
بخصوص فكرة التصميم.. فأنا دايماً أبعد عن الواقع بأي شكل من الأشكال..
لان التصميم الخيالي بالنسبة لي أكثر أبداعاً عن الواقع..
لان الأفكار تتشكل بشكل مميز بالتصاميم الخيالية..
وعلى فكرة.. هذا النوع من التصميم أسمه دبل إكسبوجير وهذا ثاني تطبيق لي لهذا النوع من التصميم

وبالنسبة للبشرة.. أنا حاط فلتر بلور على البشرة لان بالأساس الصورة كانت جودتها سيئة
لكن حاولة أرقع فيها لين ما ضبط هذا الشكل معاي

وإن شاء الله.. نحط لج تفاصيل التصميم مرة الثانية..
وعلى فكرة.. بالعادة أنا شغلي كله من الفوتوشوب..
نادراً ما أستخدم شي خارجي..

وأسعدني والله ردج ونقدج..،
وإذا زعلتي ولا رديتي على مواضيعي مرة ثانية..
أوعدج أخصص المقدمة والخاتمة وكل رد لي بالمنتدى عنج لين ما تردين..

.
،

دارك

يا هلا ويا غلا بمدرستنا الغالية.. توه ما نور الموضوع..
أفاااا.. ما عاش من يزعلج..

وبما أنج نورتيني بالموضوع وتعتبرين ضيفة فيه غالية..
قول لي بس شنو تحبين تشربين.. عندي قهوة وجاي وعصير.. والي يحبه قلبج.. خدمة ضيافة كاملة..

لحظة لحظة أخليهم يجيبون لج القهوة الحين..
يا بنت… القهوواااا القهواااااا ( بحر جاية تركض بالدلة )
ولا عليج من كلام بعض الناس.. ترا يحرشون بينا..

.
.

آدمن

منور يا مديرنا..
ولو تبي.. قول لي بس شنو الموقع الي يناسبك وأرفع لك التصميم لك عليه..

×

اي عادي اقهوي دارك بس غيرها معصي

وشكراًع كلامك الطيب

وهذي بعد الترقع جذي شلون قبله :/

والله زين

وبالتوفيق بتصاميمك القادمه