آيس كريم [ مقلي ] .. غير ღ

.
.

" حجي فارس .. أهلاً "
يااي شكراً ، راح تعجبك ! جرّبها وعطني رايك ^^

" حجي صاحي .. خخ حلوة منّك ! "
يسلمك ، الله شكراً شجعتني ^^

ياااسلام ممم

تسلم اليدين خيتو

شكله عجييب ولذيذ

بصراحه انوش

صج ماستوعبت
شلون سويتيه مدور بدون لايذوب وسالفه قوالب قصدير عقدتني :/

بس صج شكله وطريقته لذيذه
تخيلته احسه حلو حيل شجعتيني اطلبه واجربه
>>>كل مادشت مطعم هالفتره
لقت ضمن الحلويات ايس كريم مقلي تقول لا دسم اكيد موحلو هع

10 /10

تستاهلين التقيييم

بس لو تشرحين لي الخطوه المفقوده ولا فاهمتها
شنو سالفه القصدير يعني اقصصه والفه مدور ؟؟

والاهم كم يبيلج تسوينه يعني قبلها بيوم
ولا بنفس اليوم ؟؟



تشكرات يا ست

.
.

" يووووووووي بحرررر انتي اتيننين وحدج تشوقين "
كُربونج أخجلتيني .. اي جذي الناس ترفع المعنويات

احم ، بالنسبة إن اشلون صار دائري ..
شوفي أمي .. تعرفين علبة ايس كريم كي دي دي فنيلا الصغار ؟!
اللي اييه معاه قفشة خشب .. أيوه هذا ! عليج نووور ^^

ليه ييتي تفقصينه ، حاولي تطلعينه كامل من غير لا يخترب شكله الاسطواني
بعدين اخذيه بيدج بـ طريقة ذربة ضغطي الأجناب .. خل ينكمش شوي
مو شرط من اول شي يتشكل معاج ، وانتي تغمسينه بالبيض والحليب كَوْريه
وطبعاً لازم تكونين سريعة خصوصاً إنه بررّد وبسرعة يذوب ..

عشان جذي المفروض تكونين مجهزه قطع قصدير
القصدير عبارة عن مُستطيلات عريضة شوي .. كل مستطيل تفردينه
تحطين عليه كرة آيس كريم ، تلفينه عليها .. وتدخلينها الفريزر
أهم شي عامل السرعة ..

اممم .. بالنسبة لي أخذت أكثر من يوم
وطبعاً مع توصيات إن الفريزر محد يبطله ، عشان يقوم بالواجب عدل ^^
احم ، ضروري تجربينه وتعطيني رايج !!

’ فديتج بحّورة جد جد جد استانست
تسلمين يا جميلة .. وكلج ذوق ، شكررراً وااايد

باك ... ترى لا الحين اصلي ههههه

عساج عالقوه انوش ..


صراحه ابداع ماشاءالله عليج
اقدر اسميه اختراع انوش
ويبيله .. ينضاف لموسوعة جينيس


واضح جدا ان الطريقه معقده وصعبه ،، ويبيلها سعة صدر
وطولة بـــال .. احسدج عليها ..


الله يعطيج العافيه ،، تميز دائم يا انوش .. الف شكر

.
.

" صج ؟! خخ ماشالله "
يقويك ويعافيك حجي .. تسلم

ياااااااه كل هذا ؟! عيل يا انا من قلب !!!
شكراً شكراً جد أحرجتني

الله .. الله .. الله
شنو هالحركات
بصراحه فكره 10 /10

..

انا جربتها في [ ماكي ]
بس ما كان الطعم اوكي
اتوقع هالمقادير بتكون اضيط

:

راح اجربها وأعطيج خبر
brb

وصفــة حلوة ومغريــة
الصراحة كل مرة أسمع ببرد مقلي ...~
ما أرتاح للفكرة أحســه ويع
بس بعد ما قريت وصفتج وشلون سويته وشنو مكوناته
عجبتني الفكرة
الصراحــة أنا مو وايد مع المطبخ
بس يوم أدخل ما أطلع
زوجي يحب البرد واااايد فبحاول أسويله الوصفــة
بس ترا يبيلها شغل وايد أكثر من شغل وجبة الغدا أو العشا
يعطيج العافية يا قلبي أنووش
بانتظار جديدج فديتج
الله لا يحرمنا منج