|
بنوتااات النجده .. >.<
السلام عليكم ورحمة الله وبركاته .. شلونكم بنات شخباركم .. شلونكم مع الصيام ؟؟ انا في هذه الاثناء مو يوعانه وايد بس مييييييييته ابي قطايف خخخ .. :> .. المهم نخش بالموضوع .. تكفون ساعدوني .. يوم الاثنين يعني عقب باجر دزت اختي بعد شبزتي .. و راح يكونون موجودين خالاتي و عماتي و عمات الولد و خالاته مادري شفيهم ماراح ايون .. عموما يعني الحضور كلهم يمكن 20 مخلوق .. :> .. انا ماراح اقعد :cry_1: شفتوا الظلم :cry_1: اقول حق امي بكشخ بقعد شنو بعد دزت اختي .. جان تقول لاااااااااااااا الدزه بس فيها عيايز :confused0036: المهم قالتي يا حلوه انتي قعدي بالمطبخ ضبطي الامور انا راح اكون مشغوله .. .. سمعوا يا جميلات .. انا يعني مهمتي اسوي الاكل و الاشياء .. حلو القهوه و الحلو اللي عقب الاكل اللي مادري شسمه راح يكون من بره .. و هم بعد الاشياء اللي راح نحطها اللي جنها سحوور بعضها راح يكون بره و بعضها احنا راح نسويها .. .. ابي اسوي اشياء سهله سريعه خصوصا انه رمضان .. و خدامتنا مسه اللي تطبخ راح تكون مو فاضيه قاعده تسوي الفطور .. و الثانيه بهيمه بس تقصص .. و اختي ماراح تكون فاضيه بعد ..:cry_1: و امي اكيد بتكون منشدهه من الصبح :cry_1: .. تكفووووووووووووووون بنات صج ترى انا حايسه حوس بكتب هالطبخ .. مابي اطباااااااااااااااااااااااق فضييعه تنقع و ت طبخ و نفخ .. لا ابي شي سهل مجربينه تكفون .. حتى يكون شكله بالتقديم حلو و جميل .. :e014: .. السلطات بنسوي تبوله و يمكن فتوش او فته .. و راح اسوي مثل هالشي بس مادري احشيه لحم مفروم او دياي .. عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] و راح نسوي ملفوف بالزيت .. و طبق لذيذ فيه بيديان .. هذي الاشياء الاكيده .. الباجي مادري .. واللي من بره مادري .. اللي عندها طبق سهل سريع لذيذ تكفون قوليلي .. و بث .. بحبوووكووووووووووو .. :congratualtions: |
والله فيه كم طبخه بس كلها صواني وماعرف كيف بالضبط بس اشوف
اهلي يسوونها اذا تحبي اكتبها لكي بس ماعرف طريقتها بالضبط ههههههههههههه |
مبروك مبروك الله يوفقها يارب ^^
اي هذي البنات السنعات ابشري بالخير ..ياحبي للطبخ وحبج :> وان شاء الله يكون الشغل رووعه لاتوسوسين وترى صج بكتب اللي ببالي وانتي قوليلي شنو ناقصج بالضبط بعد كلامي حتى اجيبه لج قبل باجر ان شاء الله ^^ اول شي حددتي الاطباق الرئيسيه من الحين هذا المهم ! لازانيا ..ورق عنب ..صينيه بالفرن خضار ولا دجاج ولا غيره مكرونه الاصداف المحشيه انصحج تسوينها باللحم المفروم وصلصه الطماط رووعه وحتى اللحم مايصير زفر اول شي بعد ماتغسلينه عدل من الدم وجذي حطيه ع طول بالمقلى بروحه ديري بالج تحطين البصل اول حطي اللحم وخلي يطلع مايه ويستوي ع راحته بعدها رشيه دارسين شوي عن الزفره ..وشوي فلفل اسود وحركيه دقيقه دقيقتين وبعدين بلشي عادي حطي البصل حقج والثوم وحطي الزيت شوي لاتكثرين لأن اللحم فيه دهون وحطيطماط وصلصه وحمسي مع بهاراتج اللي تحبينها او اشتري صلصات الطماط الجاهزه تهبل تهبل ^^ اللي تجيج كانها علب مربى انا اشتري منها بالهبل وانواع فيه بحبق .. فيه حقت بيتزا ..فيه عاديه ساده بس طماط بصلصه ..وفيه ببصل وفطر ..كلمه حلوه فيهم شوي بس ضيفي وياهم بودره بصل + بودره ثوم وهذا سر طبخي بالمكرونيات عموم الثوم والبصل والاريجانو اذا عندج نكهه موطبيعيه ^_^ انتي تقولين دجاج ولا لحم ..انا اقولج باللحم سويها اضبط واشهى وديري بالج وانتي تفوحين المكرونه تسوينها عدل .. ترى ماراح تقدرين تحشينها وراح تتشقق خليها نص سويه ..لأنه مع الحمسه مالت اللحم وصوص الطماط والجبن المبروش فوقها والفرن راح تستوي من صوص اللحم الدجاج حلو مع الخبز وهالشغلات بعلمج بعد شوي شغلتين فيهم دجاج :> رولات الدجاج بشرايح السمبوسه وبالكريما في الفرن تهبل هذي حيل حلوه وربي كل ماسويها ينهبلون عليها اذا تبينها قوليلي اجيب لج طريقتها بالضبط وصج الشوربات سوي نوعين بس لاتكثرين ..عندج بروكلي بالكريمه ..فطر ..شوربه عدس ..شوربه ذره اختاري منهم بروح اهذر بالباقي نجي للتقديم .. وهذا غير قبل [ الدب بالخمسه الاكل الرئيسي هههههههه ] يعني شي بسيط مع الشاي والقهوه دام خفايف وجذي اكيد بتسوين بتقلين كبب .. وسبرنغ رول ..وسمبوسه ..موالح يعني او فطاير تقديم :> تقدرين تطلبين من محلات الخباز واو امس حلاته الكتالوج مال رمضان اللي تو منزلينه يهبل يهبل يهبل منزل شغلات حلوه انا اقولج من ناحيه هذي اطلبي من بره اذا مايمديج تسوين موالح للتقديم بالنسبه للسلطات .. حاولي تنوعين فييها بس لاتكثرين الكميه حيل يعني خليها وسط من كل نوع واهتمي بالمواعين اللي بتسوينها فيها هي تقدمينها فيها اختاري شي مختلف ويبرز لون السلطه الفتوش حلو .. والتبوله حلوه بعد بس انصحج لاتكثرين ليمونها وتجيبين حارج للناس وخلي وياها شرايح ليمون للي يبي يزيد يمها بصحن والفته ممتازه تعتبر مقبلات وطبق رئيسي بعد بس فته شنو ..دجاج ..ولا مقالي بس ..ولا نخي ؟؟ انصحج بالمقالي او اللبنانيه اللي فيها دجاج المقالي فيها [ الباذنجان والبطاطس والكوسا وجزر..والصنوبر والخبر .. والصوص تبعهم ] وحلوه سويها والدجاج بعد تهبل بجيب طريقتها لج بس لاتسوينها ابيج تسوين سلطه ثانيه احلى منها وع ضمانتي هذي هي لقيتها اكتب لج وادورها هههههه عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] اي صح سوي سلطه شمندر يحبونها العجز وتقدرين تسوينها بدون صوص ولا بصوص اذا مع صوص [ شمندر - ذره - ملفوف بنفسجي او ابيض مفروم ناعم شرايح بس لاتكثرينه حيل - مشروم مسلوق - والصوص علبه روب وملعقتين مايونيز ورشه ملح ] بدون صوص [..ذره ..شمندر ..خس صيني ] تقدرين تسوين الاولى وتحطين الصوص مع قفشته لحال اللي يبي يحط منه سلطتي الحلوه واللي حيل يحبونها اهلي ترى ثقيله شوي تعتبر طبق هي [ جيبي دجاج جاهز تندوري تلقينه بالجمعيات عندج ماركه رضوى ولا الكبير ممتاز .. او اي نوع متبل و اقليه وبعدها قصيه شرايح مثل الشبس مال ماكدونالدز فهمتي علي هههههه :> وطماط مقطع مكعبات- خس صيني مقطع شرايح- شبس باربكيو الاخضر كتكو حجم كبير وكسريه بيدج بحيث قطعه تصير موكبيره بس لاتفتتينه- صلصه البرتقاليه الفرنسيه مالت السلطه عرفتيها اكيد - مخلل خيار [ لاتشترين ايراني ..>>ماتثق فيه ..خذي الهندي اللي يجيج صغير مجكنم وافرميه حلقات صغار او كيفج المهم صغار ] جيبي البايروكس حق تقديم وحلاته شفاف يكون حطي الطبقات مثل الترتيب اللي بقوله خس - شبس - طماط - مخلل - دجاج - خس - شبس - طماط - مخلل وباقي الخس اذا فيه شوي انثريه فوقه وحطي صلصه فرنسيه عليه و غلفيها وبالثلاجه ويا ربعها بس خليهم تحت اخر الثلاجه مو فوق حتى لايتجمدون وتثلج :/ وقبل تقديم بربع ساعه 10 دقايق طلعيها حتى سلطات تخف برودتها وناس تاكلها اذا بارده حيل ومثلجه بتكسر ضروسهم هههههه بالنسبه للحلا في حلا بارد بس اول نروح للحار وسهل سوي ام علي فيه جاهزه .. تلقينها بمركز سلطان اظن ماتاخذ منج ربع ساعه او اقل سوي بسبوسه الجالكسي اعتقد في عضوه نزلتها بالمنتدى اظن حراير او اكتبيها بقوقل [ رووعه ] تهبل والاهم سهله عندج بعد اللقيمات .. لاتنسينها وتقدرين تحطينها مع التقديم مو العشاء عندج عيش السرايا لذيذ وخفيف لو تدرين شلون اسويه تطقين ع راسج >>>مختصره طريقته هههههههه توست افتته ..واشربه شيره بصحن بروح اخلطه عدل بس ما اهرسه والشيره خليها زايده شوي عليه يعني لاتخلينه ناشف وحده حده لأن التوست بالثلاجه بيرد يشربها لووول صج سر هالحلا بالشيره وكميتها [ الشيره مسوتها بالبيت مو ثقيله مثل الجاهزه والاهم فيها هيل وزعفران وهذا اللي يحليها مو بس شكر وماي ] ..يعني لو جاهزه وثقيله ردي حطيها بجدر وحطي فوقها حب هيل ورشه زعفران وخففيها بماي :> المهم حطي بصحن طبقه توست مشرب بعدها قيمر عادي كي دي دي ورشه فستق مقشر ومقطع ..وبعدها ارد طبقه توست وقيمر حلا للرفلات وسريع بعد هع بس طعم خطير :> الاول تسوينه بصحون مدوره بس انا افضل كاسات شفافه مالت التقديم وكل واحد معاه قفشته بس مو متأكده من المقادير لأن هذا اختي تسويه دايم انا نادر :/ [ بسكويت دايجستف تغمسينه بحليب بارد وتحطينه بقاع الصحن وتحطين فوقه من خلطه انتي مسويتها [ قيمر و كراميل واظن وياهم حليب محلى مو متأكده بتأكد وبرد لج خبر ] الوكاد تحين منه فوق البسكوته شوي وتردين تحطين بسكوته ثانيه مغموسه بالحليب وطبقه الكراميل ..وبعدين تعرفين العسل مال الكراميل الاسود افتحي واحد وشخبطي ع وجه كل صحن هع وبالثلاجه ويا ربعهم [ ضاعفي الكميه بحيث تسوين 20 صحن صغنون ] يعني كل شخص واحد وحلا ثاني جميل الجمال اموت فيه هذا و100 % يبرد على القلب هع اشتري كرتون بريد ساندويش مال كي دي دي وباوند كيك فانيلا الجاهز جيبي مممم حق 20 شخص انا اقولج سوي صينيتين منه :/ شرايج بكمل المقادير حق صينيه وحده وانتي كيفج الصوص [ 6 جبن كيري - حليب محلى كبير - قيمر كبير مو الصغير ] ممكن تحطين 7 كيري انتي وذوقج المهم قطعي كيك شرايج وصفيه بالصينيه [ حقت التقديم ههههه ] وبعدها حطي طبقه من الصوص عليه .. وبعدها شققي البرد واحد واحد صفيهم لين تغطين الصينيه .. بعدين صوص طبقه خفيفه بس مجرد تغطيه لاتغرقينه وبعدين كيك ...باقي الصوص كله صبيه عليه ..ورشي فوق الوجه نسكافيه مجرد ذرات انثريه فوقه وغلفيه وبالفريزر هالمره ههههه بس اول خليه بحراره المطبخ 4 دقايق بعد ماتسوينه حتى شوي يذوب البرد وتندمج الطبقات بعدها جمديه وبس تعبت حدي من شبكت وانا اهذر بموضوعج لي باك لأن انسدت نفسي من الطبخ هههههههههه |
فندوس يامال العافيه
مري هالموضوع مال انثى من حرير المثبت بالقسم [ دعوه للسنع ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] هالحلا تقريباً مثل االي قلتلج سويه بكاسات بس هي غير ومبين الوصفه حلوه اي صح تو طرى علي ..سوي سلطه فواكه ..^_^ كسر روتين وشي خفيف على الجبد بعد الاكل وهذي البسبوسه >>>طلعت صج حرير اللي حاطتها لووول حمدلله ماضيعت عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وهذي عجبتني خلي خدامتكم تسويها اذا ماقدرتي احسها شي شي لفايف دجاج محشيه بالموزاريلا عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
في البدايه ألف مبروك
وربي يسعدهم ويهنيهم يا رب : ما شاء الله بحوره كفت ووفت بالموضوع - ما شاء الله عليها - وهذي بعض الاضافات مني اتوقع في هالمناسبات حلوه سوالف الميني 1- ورق عنب ( الـ mini من امبرس روعه .. وبعد انا مجربه الي في وااو حلو ) 2- سلطة [ وحلوه انج تحطيها في كاسات صغار ] وهذي جم وصفه للسلطات سلطة عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المقادير : خس سماق شاورما (من المطعم ) بطاط مكعبات ومقلي خبز مقلي الصوص: الكميات حسب الرغبة روب مايونيز طحينية عصير ليمون ثوم ملح وفلفل الطريقة : في طبق التقديم تحطين الخس وترشين عليه سماق وفوقة الشاورما وبعدين البطاطا المقلية وبعدين الخبز وتخلطين مقادير الصوص مع بعض وتصبينه فوق السلطة للتزين : سماق او بصل مقلي او خبز محمر عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] ..................... الوصفه الثانيه سلطة الربيان عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المقادير: كوب ربيان كبير الحجم -3كوب خس امريكي-كوب شرايح طوليه جزر-نص كوب طحين ابيض-ملح فلفل اسود زيت للقلي الصلصه: 4ملاعق اكل مايونيز-نص ملعقة شاي سكر- ملعقة اكل عصير ليمون-نص ملعقة اكل مسترد ديجونالطريقه: تقطع كل ربيانه الى ثلاث قطع ثم تتبل بالملح والفلفل الاسود وتغطى بالطحين ثم تقلى وتصفى يغسل الخس ثم يصفى ويقطع مكعبات كبيره ويوضع في الطبق مع الجزر تخلط مقادير الصلصه مع بعض ثم تسكب على خليط الخس وتوزع شرائح الربيان المقليه على السطح وتقدم ....................... الوصفه الثالثه عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المقادير خس - خيار - جرجير - فلفل - ملفوف - طمام مقادير الصوص لبنه روب ملعقه صغيره مايونيز عصير ليمونه - ملح - بصل اخضر مفروم صغير بأوراقه رشه من الريحان والاوريغانو طريقة التحضير نقطع الخس ويصف في قاع الكاس وثم نقطع الخيار والجرجير وثم طبقه جزر مبشور وفلفل رومي ملون ثم طبقه ملفوف اخضر يزين وجه الكاس بشريحه : |
3- اذا تقدرين تسوين كبب او سبرنج رول عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]وتكون صغار لان الناس اساسا متفطرين وخالصين 4- الحلو .. عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] مربعات بف باستري تمر خليط التغطيه : نصف علبة حليب نستله 3 جبن كيري 2 ملعقة قشطه 1 بيضه \ رشة فانيلا للوجه قرفه الطريقه : طبعا تقطعين البف باستري لأربع مربعات لكل قطعه وتحطينها بقوالب ميني واضغطي ع القاع بشوكه قطعي التمر انصاف وشيلي النوى وحطي كل نصف بقالب رش فوق التمر شوية قرفه بودره اخلطي مقادير الوجه بالبلاندر وصبيها بالقوالب بس لاتملينه مره دخليها الفرن لين تنتفش العجينه وتتماسك الطبقه البيضاء بعدين حمريها وخليها تبرد بحرارة الغرفه وبعدين قدميها عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المقادير : 2 كوب سميد نصف كوب طحين نصف كوب زيت ثلاث ارباع كوب حليب فاتر نصف ملعقه صغيره بيكنج باودر الحشو : جبن كيري او مكسرات مجروشه التحليه : شيره خفيفه الطريقه : طبعا تعجنين مقادير العجينه بحيث تكون متماسكه ولاتكون قاسيه مره ولالينه مره تقطعين العجينه لكور صغار وتبدين تكببينها مثل الكبه تمام باستخدام الماء المثلج أو الزيت احشيها بالحشوه اللي تختارينها وسكريها وخليها تتماسك بالفريزر شوي قبل القلي اقليها بزيت غزير بعدين حليها بالشيره صفيها بصحن التقديم وممكن تزينيها بفستق مطحون : واحسن من هذا وذاك الحين الجو حار لو تييبين لج رقي ( بطيخ أحمر ) وتقطعينه في قفشه البرد وتحطينه في كاسات صغار ولا اروع .. في الختام سامحيني على القصور وعقبال ما نفرح فيج يا رب (f) |
ول ول ول
بطينيات :confused0036: |
| الساعة الآن 09:17 AM. |
Powered by vBulletin® Version 3.8.4. Copyright ©2000 - 2024,
HêĽм √ 3.1 BY: ! ωαнαм ! © 2010
جميع المشاركات المطروحه لا تعبر عن رأي المنتدى وانما تعبر عن رأي اصحابها